LITANIJA VYSUSVĀTŌS JEZUS SIRDS GŪDAM
Kyrie, eleison!
Christe, eleison!
Kyrie, eleison!
Kristu, klausi myus!
Kristu, uzklausi myus!
- Dīvs Tāvs nu dabasim,
- apsažāloj par mums!
- Dīvs Dāls pasauļa Pesteitōjs,
- apsažāloj par mums!
- Dīvs Svātais Gors,
- apsažāloj par mums!
- Svātō Trejadeiba vīns Dīvs,
- apsažāloj par mums!
- Jezus Sirds, myužeigō Tāva Dāla,
- apsažāloj par mums!
- Jezus Sirds, Mōtes Jaunovas mīsā Svātō Gora veidōta,
- apsažāloj par mums!
- Jezus Sirds, ar Dīva Vōrdu byuteigi vīnōta,
- apsažāloj par mums!
- Jezus Sirds, bezgaleigō Majestate,
- apsažāloj par mums!
- Jezus Sirds, Dīva svātō svētneica,
- apsažāloj par mums!
- Jezus Sirds, Vysuaugstōkō miteklis,
- apsažāloj par mums!
- Jezus Sirds, Dīva noms un dabasu vōrti,
- apsažāloj par mums!
- Jezus Sirds, korstais mīlesteibas gunkurs,
- apsažāloj par mums!
- Jezus Sirds, taisneibas un mīlesteibas krōtuve,
- apsažāloj par mums!
- Jezus Sirds, lobuma un mīlsteibas pylna,
- apsažāloj par mums!
- Jezus Sirds, vysu tykumu dzeļme,
- apsažāloj par mums!
- Jezus Sirds, ikvīnas slavas vysucīneiga,
- apsažāloj par mums!
- Jezus Sirds, kēneņš un vysu siržu vīnōtōjs,
- apsažāloj par mums!
- Jezus Sirds, kurā ir vyss gudreibas un zineibu monts,
- apsažāloj par mums!
- Jezus Sirds, kurā ir dīveibas pylnums,
- apsažāloj par mums!
- Jezus Sirds, kurā Tāvam ir ļūti labpaticis,
- apsažāloj par mums!
- Jezus Sirds, nu kuras pylnuma mes vysi asam sajāmuši,
- apsažāloj par mums!
- Jezus Sirds, myužeigu pasauļa ilgu mērkis,
- apsažāloj par mums!
- Jezus Sirds, pacīteiga un ļūti žāļsirdeiga,
- apsažāloj par mums!
- Jezus Sirds, bogōta vysim, kas tevi pīsauc,
- apsažāloj par mums!
- Jezus Sirds, dzeiveibas un svātuma olūts,
- apsažāloj par mums!
- Jezus Sirds, pōrlyugums par myusu grākim,
- apsažāloj par mums!
- Jezus Sirds, ar neivōšonom seitynōta,
- apsažāloj par mums!
- Jezus Sirds, satrīkta par myusu grākim,
- apsažāloj par mums!
- Jezus Sirds, paklauseiga leidz pošai nōvei,
- apsažāloj par mums!
- Jezus Sirds, ar škāpu pōrdūrta,
- apsažāloj par mums!
- Jezus Sirds, ikvīnas īprīcynōšonas olūts,
- apsažāloj par mums!
- Jezus Sirds, myusu dzeiveiba un augšanceļšonōs,
- apsažāloj par mums!
- Jezus Sirds, myusu mīrs un izleigšona,
- apsažāloj par mums!
- Jezus Sirds, asneigais upurs par grākim,
- apsažāloj par mums!
- Jezus Sirds, pesteišona tim, kas uz Tevi cerej,
- apsažāloj par mums!
- Jezus Sirds, cereiba mērstūšim Tevī,
- apsažāloj par mums!
- Jezus Sirds, vysu Svātū laimeiba,
- apsažāloj par mums!
- Dīva Jārs, kas nūceļ pasauļa grākus,
- atlaid mums, Kungs un Dīvs!
- Dīva Jārs, kas nūceļ pasauļa grākus,
- uzklausi myus, Kungs un Dīvs!
- Dīva Jārs, kas nūceļ pasauļa grākus,
- apsažāloj par mums!
- Jezu, lānprōteigs un pazemeigu Sirdi!
- Dori myusu sirdis leidzeigas Tovai Sirdei!
Lyugsimēs:
Vysuvarenais myužeigais Dīvs, raugīs, uz sova ļūti nūmīļōtō Dāla Sirdi un uz tū slavi un gondareišonu, kū Tev snādz jei grēcinīku vōrdā, un tim, kas lyudz Tovu žāļsirdeibu, dōvoj pīdūšonu tō poša Jezus Kristus, Tova Dāla, vōrdā, kas ar Tevi Svātō Gora vīneibā dzeivoj un volda myužu myužūs. Amen.
CIĻVĒCES NŪVĒLĒŠONA VYSUSVĀTAJAI JEZUS SIRDEI
Vysudōrgais Jezu, Tu ciļvēces Pesteitōjs raugīs uz mums, kas dziļā pazemeibā kreitam Tova oltora prīkšā. Mes asam Tovi un Tovi gribim palikt. Raug, šudiņ ikvīns nu mums, grybādams vēļ cīšōk vīnōtīs ar Tevi, vysā labprōteigi atvēlej sevi Tovai Vysusvātōkajai Sirdei.
Raug, daudzeji Tevis napazeist pavysam; daudzeji otkon, īneisdami Tovas bausleibas, ir Tevis aizalīguši.
Apsažāloj, o lobais Jezu, kai par vīnim, tai par ūtrim, pīveļc vysus pi Tovas Svātōs Sirds.
O Kungs, esi Karalis na tikvīn tim ticeigim, kas nikod nav Tevis aizmērsuši, bet ari tim pazudušajim dālim, kas Tevi atstōjuši. Dori, ka viņi jū ōtrōk atsagrīztu Tāva mōjōs un napazustu nabadzeibā un bodā.
Esi Karalis ari par tim, kas voi maļdeigu īskotu pīkrōpti, voi nasadareibas dēļ škērti; ved jūs pi patīseibas un īved jūs ticeibas vīnōteibā, lai ōtri vīn tyktu panōkts vīns gonomais pulks un vīns ganeitōjs.
O Kungs, pasorgoj sovu Bazneicu un dūdi Jai drūšu breiveibu. Dūdi vysom tautom kōrteibu un mīru. Dori, ka pa vysu zemi nu jōs gola leidz golam, skanēt skanātu vīns bolss: Gūds lai ir dīviškai Sirdei, caur kuru nōkuse mums pesteišona.
Viņai lai ir slava un gūds myužeigi myužam. Amen.
GONDAREIŠONAS LYUGŠONA VYSUSVĀTAJAI JEZUS SIRDEI
Vysužāļsirdeigais Jezu, kura bezgaleigō mīlesteiba uz mums, cylvākim, teik atmoksōta ar taidu lelu vīnaldzeibu, nūlaideibu, nycynōšonu un napateiceibu, mes kreitam ceļūs šeit Tova oltora prīškā, lai ar sevišku dīvbejeibu gondareitu par cylvāku vīnaldzeibu un tū nagūdu, kū jī nūdora Tovai mīlesteibas pylnajai Sirdei. – Tūmār zynūt, ka ari mes poši reiz pīdarējom pi nacīneigūs skaita, korstas nūžālas sōpu pōrjimti, mes lyudzam vyspyrms Tovu žāļsirdeibu mums pošim. Mes asam gotovi labprōt gondareit na tikai par sovim grākim, bet ari par tūs grākim, kas ir tōli nūsamaļdejuši nu pesteišonas ceļa, kas, naticeibā nūsacītynōjuši, nagryb sekōt Tev kai sovam Gonam un Vodūņam, voi ari kas ir lauzuši sovas kristeibas sūlejumus un atsasoka nest Tovu bausleibu vīglū jyugu. – Mes stingri apsajemam gondareit par vysim šim nūžālojamim pōrkōpumim, bet seviški mes gribim lobōt vysu nagūdeigū un natykumeigū dzeives veidā un apgērbā, ar kū teik īvylkts samaitōšonā tik daudz navaineigu dvēseļu; mes gribim gondareit par svātdīnu un svātku dīnu nasvēteišonu, par rībeigim lōstim pret Tevi un Tovim svātajim, par Tova Vītnīka un prīsteru kōrtas zaimōšonu, par Tovas dīviškōs Mīlesteibas Sakramenta apgōneišonu ar nūlaideibu voi apkaunojūšom svātzadzeibom, beidzūt par tautu atklōtim pōrkōpumim, kas pretojās Tovas Bazneicas lykumim un mōceibai. Lai kaut cik vārstu par lobu Tova dīviškō gūda aizskoršonu, mes kūpā ar Tovu Jaunaveigū Mōti, ar vysim svātajim un ar vysim dīvbejeigim ticeigim upurejam Tev tū gandarejumu, kuru Tu pats pi krysta snēdzi sovam Tāvam un kuru Tu ik dīnas atjaunoj uz oltorim. Tovas žēlesteibas styprynōti mes Tev nūpītni apsūlom ar dziļu ticeibu, ar dzeives škeisteibu un ar evaņgelija bausleibu, it seviški ar mīlesteibas lykuma izpiļdeišonu, cik tys nu mums atkareigs, nūvērst tū ļaunumu, kuru mes voi cyti asam izdarējuši, atstōdami nūvōrtā Tovu lelū mīlesteibu. Vysim spākim mes gribim turpmōk nūvērst nu Tevis vysus apvainōjumus un pamudynōt pēc īspējas vairōk cylvāku, kas Tev sekōtu. – Mes Tevi lyudzam, Vysulobais Jezu, aizbyldūt par mums Vysusvātōkajai Jaunovai Marijai, pījem žēleigi šū myusu labprōteigū gondarejuma pīdōvōjumu un ar sovu žēlesteibu padori myusus leidz nōvei uzticeigus dīvbejeigā Tev kolpōšonā, lai mes beidzūt vysi sasnāgtu eistū Tēviju, kur Tu ar Tāvu un Svātū Goru dzeivoj un voldi nu myužeibas myužeibā. Amen.
PRIVĀTŌ SEVIS VEĻTĒŠONA VYSUSV. JEZUS SIRDEI
(Sv. Marg. Alakok)
Es veļteju un atdūdu myusu Kunga Jezus Kristus Vysusvātōkajai Sirdei sovu personu, sovu dzeiveibu, sovus dorbus, sovas gryuteibas un cīsšonas, lai nōkūtnē es piļneigi atsadūtu dīvišíōs Sirds mīlesteibai un jōs gūdynōšonai. Muna nūpītnō un naatsaucamō apsajimšona ir pīdareit Jai pavysam, dareit vysu aiz mīlesteibas pret Jū un nu vysas sirds atsateikt nu vysa, kas napatyktu dīviškajai Sirdei. – Tōdēļ es izavēleju Tevi, Vyssvātōkō Sirds, par sovas mīlesteibas vīneigū prīkšmatu, par sovas dzeiveibas aizsorgōtōju, par sovas pesteišonas drūšeibu, par atspaidu sovā vōjumā un par vysas sovas dzeives gondareišonas upuri. Tu, maiguma un žēlesteibas pylnō Sirds, esi maņ drūšs patvārums ari munā nōves stuņdē, esi muna attaisnōtōja Dīva prīškā un nūvērs nu manis jō taisneigū dusmu strōpi. Tu mīlesteibas pylnō Sirds, uz Tevi es līku vysu sovu cereibu. Sova ļaunuma dēļ es beistūs vysa, bet ar Tovu žēlesteibu es ceru uz vysu. Iznycynoj manī vysu, kas Tev napatyktu, voi Tev pretōtūs. Lai Tova svātō mīlesteiba tik dziļi īsaspīž munā sirdī, ka es nikod Tevis naaizmērstu un nikod natyktu nu Tevis atškērts. Dīviškō Sirds, Tovas bezgaleigōs žāļsirdeibas dēļ, es Tevi lyudzu, dori, lai muns vōrds tyktu īraksteits Tevī, jo Tovā kolpōšonā es grybu dzeivōt un mērt. Amen.
HIMNA JEZUS SIRDS GŪDAM
Pretim Vysuaugstōkam
Paceļ rūku zvārastam!
Latv'u tauta, svāts lai mums
Palīk seņèu montōjums!
Jezus Sirds, Tev zvēram tū:
Uzticeibu myužeigū!
Sovas tautas Aizstōvis –
Dīvs vysaugstais debesīs:
Myusus leidz pat laikim šim
Vodi cauri nagaisim.
Jezus Sirds, Tev zvēram tū:
Uzticeibu myužeigū!
Dīvs, pi Tevis mes patīš'
Gribim stypri turētīs.
Ticeiba, kas dūta mums,
Skaistōkais ir greznōjums.
Jezus Sirds, Tev zvēram tū:
Uzticeibu myužeigū!
Saites, kuras vīnoj myus,
Saraut nivīns napagyus.
Svāts ir vōrds, kas Dīvam dūts,
Uzticeiba – myusu gūds.
Jezus Sirds, Tev zvēram tū:
Uzticeibu myužeigū!
