LITANIJA VYSUSV. JAUNOVAI MARIJAI

Kyrie, eleison!
Criste, eleison!
Kyrie, eleison!
Kristu, klausi myus!
Kristu, uzklausi myus!

Dīvs Tāvs nu dabasim,

apsažāloj par mums!

Dīvs Dāls pasauļa Pesteitōjs,

apsažāloj par mums!

Dīvs Svātais Gors,

apsažāloj par mums!

Svātō Trejadeiba, vīns Dīvs,

apsažāloj par mums!

Svātō Marija,

lyudz Dīvu par mums!

Svātō Dīva Dzemdeitōja,

lyudz Dīvu par mums!

Svātō jaunovu Jaunova,

lyudz Dīvu par mums!

Jezus Kristus Mōte,

lyudz Dīvu par mums!

Bazneicas Mōte

lyudz Dīvu par mums!

Dīva žēlesteibas Mōte,

lyudz Dīvu par mums!

Vysuteirōkō Mōte,

lyudz Dīvu par mums!

Vysuškeistōkō Mōte,

lyudz Dīvu par mums!

Nanūzīdzeigō Mōte,

lyudz Dīvu par mums!

Vysod jaunaveigō Mōte,

lyudz Dīvu par mums!

Mīleigō Mōte,

lyudz Dīvu par mums!

Breineigō Mōte,

lyudz Dīvu par mums!

Loba padūma Mōte,

lyudz Dīvu par mums!

Radeitōja Mōte,

lyudz Dīvu par mums!

Pesteitōja Mōte,

lyudz Dīvu par mums!

Vysugudrōkō Jaunova,

lyudz Dīvu par mums!

Gūda cīneigō Jaunova,

lyudz Dīvu par mums!

Slavejamō Jaunova,

lyudz Dīvu par mums!

Varenō Jaunova,

lyudz Dīvu par mums!

Žēleigō Jaunova,

lyudz Dīvu par mums!

Uzticeigō Jaunova,

lyudz Dīvu par mums!

Taisneibas spūguļs,

lyudz Dīvu par mums!

Gudreibas krāslys,

lyudz Dīvu par mums!

Myusu prīcas īmeslis,

lyudz Dīvu par mums!

Goreigais trauks,

lyudz Dīvu par mums!

Cīnejamais trauks,

lyudz Dīvu par mums!

Sevišks dīvakolpōšonas trauks,

lyudz Dīvu par mums!

Goreigō rūze,

lyudz Dīvu par mums!

Davida tūrnis,

lyudz Dīvu par mums!

Zylūņkaula tūrnis,

lyudz Dīvu par mums!

Zalta noms,

lyudz Dīvu par mums!

Dereibas skreine,

lyudz Dīvu par mums!

Dabasu durovas,

lyudz Dīvu par mums!

Reita zvaigzne,

lyudz Dīvu par mums!

Sliminīku veseleiba,

lyudz Dīvu par mums!

Grēcinīku glōbēja,

lyudz Dīvu par mums!

Bēdeigū īprīcynōtōja,

lyudz Dīvu par mums!

Kristticeigūs paleigs,

lyudz Dīvu par mums!

Eņgeļu Kēnenīne,

lyudz Dīvu par mums!

Patriarhu Kēnenīne,

lyudz Dīvu par mums!

Pravīšu Kēnenīne,

lyudz Dīvu par mums!

Apostolu Kēnenīne,

lyudz Dīvu par mums!

Mūcekļu Kēnenīne,

lyudz Dīvu par mums!

Izzinēju Kēnenīne,

lyudz Dīvu par mums!

Jaunovu Kēnenīne,

lyudz Dīvu par mums!

Vysu svātūs Kēnenīne,

lyudz Dīvu par mums!

Bez īdzymtō grāka ījimtō Kēnenīne,

lyudz Dīvu par mums!

Dabasūs uzjimtō Kēnenīne,

lyudz Dīvu par mums!

Svātō Rūžukrūņa Kēnenīne,

lyudz Dīvu par mums!

Gimiņu Kēnenīne,

lyudz Dīvu par mums!

Mīra Kēnenīne,

lyudz Dīvu par mums!

Mōras zemes Kēnenīne,

lyudz Dīvu par mums!

Dīva Jārs, kas nūceļ pasauļa grākus,

atlaid mums, Kungs un Dīvs!

Dīva Jārs, kas nūceļ pasauļa grākus,

uzklausi myus, Kungs un Dīvs!

Dīva Jārs, kas nūceļ pasauļa grākus,

apsažāloj par mums!

ZAM TOVA PATVĀRUMA steidzamēs, svātō Dīva Dzemdeitōja! Myusu lyugšonas lyudzam nasmōdej myusu vajadzeibōs! Bet nu ikvīnas nalaimes vysod myus izglōb slaveigō un svēteigō Jaunova! Myusu Vaļdneica, myusu Vydutōja, myusu Aizbyldātōja! Samīrynoj myus ar sovu Dālu! īteic myus sovam Dālam! Stōdi myus sovam Dālam prīškā!

Lyudzīs par mums, svātō Dīva Dzemdeitōja!

Lai mes Kristus apsūlejumu toptu cīneigi!

Lyugsimēs:

Kungs Dīvs, mes Tevi lyudzam, dori, lai myusu, Tovu kolpu, dvēsele un mīsa vysod byutu vasala un ar slavejamōs Vysusvātōkōs Jaunovas Marijas aizbiļdeibu mes tyktu atbreivōti nu laiceigō ļaunuma un prīcōtūs myužeigā dzeivē. Caur Jezu Kristu, myusu Kungu. Amen.

VEĻTĒŠONŌS VYSUSV. J. MARIJAS BEZVAINEIGAJAI SIRDEI

Vysusvātōkō Jaunova, myusu Kunga Jezus Kristus Mōte, mes īpašā veidā veļtejam sevi Tovai Bezvaineigajai Sirdei. Ar šū veļtēšonūs mes atjaunojam kristeibas svātsūlejumus un saskaņā ar Evangeliju uzajemam pīnōkumu īkšeji atsagrīst, atsaraiseit nu patmīleibas un nu lātas pīkōpeibas pasaulei, lai mes byutu piļneigi Tovā reiceibā, vysod pyldūt dabasu Tāva grybu.

Bez tam mes uzticam Tev, vysulobō Mōte, sovu kristeigū aicynōjumu. Mes gribam veidōt sovu dzeivi tai, kai Tu vēlejīs: gondareišonas un lyugšonas gorā. Mes gribim ar dedzeibu pīsadaleit svātajā Mises Upurī, apostoliski dorbōtīs, ik dīnas dīvbejeigi skaiteit Rūžukrūni un atbylstūši Evangelijam – prīceigi nest dzeives upurus, byut spējeigim atsateikt un gondareit. Mes gribim byut kristeigūs tykumu un škeisteibas paraugs pasaulei. Mes apsūlam byut uzticeigi Svātajam Tāvam un kūpā ar viņu vīnōtim veiskupim un prīsterim. Tovā Mōtes vadeibā un aizsardzeibā mes gribim byut apostoli, lai veicynōtu šudiņ tik napīcīšamū lyugšonas un mīlesteibas kūpeibu ar Pāvestu, kas ir Bazneicas Mōceitōjs un Gons. Mes lyudzam Tevi, Bazneicas Mōte, snēgt jam sovu īpašū aizsardzeibu.

Taipat mes Tev apsūlam lyugtīs par vysom dvēselem, vest cylvākus pi Tevis un pamudynōt jūs uz Tovas Sirds gūdynōšonu. Tai kai ļaunums un grāks pōrplyudynoj pasauli, mes ar paļōveibu paceļom acis uz tevi, žāļsirdeigō Mōte, un lyudzam glōbt vysus sovus bārnus. Tu, žēleigō un laipnō, Vysusvātōkō Jaunova Marija!