Чи́нъ Бл҃гослове́нїѧ Ковче́га.

Гдⷭ҇ꙋ помо́лимсѧ. Ли́къ: Гдⷭ҇и поми́лꙋй.

Ми́лостивъ бꙋ́ди Гдⷭ҇и мо́ленїѧмъ на́шимъ, и҆ благословѝ Ковче́гъ се́й ✠ десни́цею твое́ю ст҃о́ю, и҆ всѣ́хъ въ не́мъ плава́ти и҆мꙋ́щихъ, ꙗ҆́коже и҆зволи́лъ є҆сѝ бл҃гослови́ти ✠ ковче́гъ Но́ѧ въ пото́пѣ плава́ющь, пода́ждь и҆̀мъ Влⷣко десни́цꙋ твою̀, ꙗ҆́коже пода́лъ є҆сѝ Бл҃же́нномꙋ Петрꙋ̀ ходѧ́щемꙋ по мо́ри и҆ низпослѝ ст҃а́го А҆́гг҃ла твоего̀ съ нб҃сѐ, и҆́же сохрани́тъ ꙗ҆̀, и҆ свободи́тъ ꙗ҆̀ всегда̀ ѿ всѣ́хъ бѣ́дъ, съ всѣ́ми бꙋдꙋ́щими въ не́мъ: рабы́же твоѧ̀, ѿгна́вше всѧ̀кїѧ проти̑вности, къ пристани́щꙋ ти́хомꙋ по ше́ствїи ми́рномъ приведѝ, въ и҆сполне́нїеже всѣ́хъ требова́нїй, къ свои́мъ си, съ всѧ́кимъ весе́лїемъ возвра́тити и҆зволѝ. Ꙗ҆́кѡ ты̀ є҆сѝ Бг҃ъ на́шъ, и҆ тебѣ̀ сла́вꙋ возсыла́емъ:

Кро́питъ водо́ю сщ҃е́нною.