Līksmi dzīdit Pesteitōjam

Līksmi dzīdit Pesteitōjam,
Dīva Dālam myužeigajam.
Jys ir nōvi uzvarējis,
eļnes spākus savaaļdejis.
Aleļuja, aleļuja, aleļuja,
aleļuja, aleļuja.

Jezum krysta nōvē ejūt,
mōcekli vairs nacerēja.
Daži, kas vēļ drūši beja,
jū uz kopu pavadeja.
Aleļuja...

Bet, kad Jezus cēlēs augšā,
cereiba jim atkon ausa.
Tim, kas maļdejušīs beja,
osoras por vaigim leja.
Aleļuja...

Mōcekli pi kopa skrēja,
leidz kū vēsti sadzērdēja:
cytu runom naticēja,
koleidz poši īraudzēja.
Aleļuja...

Beja kas vēļ prūjom bāgam,
beidamīs nu sova grāka.
Kas ar Jezu agrōk gōja,
puļcējōs pi Pesteitōja.
Aleļuja...

Svātku prīks lai kotrā sejā,
kad pi Pesteitōja ejam:
mīlesteibu sirdīs nasam,
viņam pateiceigu asam.
Aleļuja...

Teicit Kungu. Reiga, 1990. lpp. 422-423. Nr. 44.