Prīceiga mums ir šei dīna
(Jaukō dīna mums atgōja)

Prīceiga mums ir šei dīna
vysod turēsim tū cīnā.
Šudiņ, Kristus augšancēlēs!
Aleļuja, aleļuja, aleļuja.

Augšanceļtīs Dīvs vīn spēja,
Jys kai gaisma atspeidēja,
tymsas spākus uzvarēja.
Aleļuja...

Kungs pēc sovas nōves svātōs
atstōja tik noglu rātas
sovā mīsā apskaidrōtā.
Aleļuja...

Kad vēļ Jezus kopā beja,
bet jau žēlesteibas leja
pōri mīrā aizgōjušim.
Aleļuja...

Tī, kas nōves vaļstī beja,
Pesteitōju īraudzeja,
dabasus sev īmontōja.
Aleļuja...

Kopa akmiņs atsavēle,
sorgi bailēs nūdrebēja:
Jezu kopā namanēja.
Aleļuja...

Gūdeibā Jys augšancēlīs,
apostolim dzeivs rōdējōs
viņu šaubas izklaidēja.
Aleļuja...

Tad Jys Mōti satikt gōja
un jū meili uzrunōja,
Mōtes sirdi mīrynōja.
Aleļuja...

Asu sōpes aizmērsuse,
Tevi, Dāls, kad redzējuse,
kai nu jauna pīdzymuse.
Aleļuja...

Daudzim Kungs vēļ parōdejōs;
tad nu visim atvadejōs,
aizīdams pi Tāva sova.
Aleļuja...

Slaveits esi, Jezu dōrgais,
Dīvs un Pesteitōjs vysmīlais,
myusu glōbējs dīviškeigais.
Aleļuja...

Gūds lai Tāvam – Radeitōjam,
Dālam – ļaužu Pesteitōjam,
Goram Svātajam uz myužim.
Aleļuja...

Teicit Kungu. Reiga, 1990. lpp. 420-421. Nr. 43.