KUNGS DĪVS, TU MYUSU RADEITŌJS
un vysu ļaužu Pesteitōjs,
mes myužam Tevi slaveisim
un sovōs sirdīs pīlyugsim.

Mes Tevi lyudzam stōvēt klōt,
jo gribim jaunu dzeivi sōkt.
Nu grāka važom atbreivoj,
lai sirdis mīru īmontoj.

Pi sevis Tu myus aicynoj
un žēlesteibu dōvynoj.
Tu maizi dīviškū mums dūd,
lai Tevī vysi spāku rūn.

Mes sevi Dīvam veļtēsim
un Viņa grybu piļdēsim.
Tad Tovi palikt varēsim
un debess dzeivi montōsim.

Lai gūds un slava breineiga
Tev, augstais Dīvs, ir myužeiga!
Un vysa Tova radeiba,
lai vīnmār Tevi gūdynoj!