(Kungs nu dabasim)

JEZU, TU KARALI, PŌR VYSIM vaļdnīkim,
nōci nu dabasim paleigā cylvākim:
Nu grāka varas myus atbreivōji
un žēlesteibu mums dōvynōji.
Varenais Dīvs, myusu Kungs vysužēleigais.

Tev, Jezu, ticeigī lyugšonas syuta,
uz Tevi pasaļaun dzeive kad gryuta.
Tu vysus ļaudis pi sevis vodi
un labvēleibu, Kungs, sovu rōdi.
Varenais Dīvs, myusu Kungs vysužēleigais.

Jezu, Tu Vaļdeitōjs, kam vysa vara,
pasorgoj pasauli nu jauna kara,
dūd lobu prōtu un vysim spāku,
stypru lai byuvātu mīra āku.
Varenais Dīvs, myusu Kungs vysužēleigais.

Steidzamēs, Jezu, Tev pasateikt vysi.
Žālōdams myus, ļaužu grākus Tu nesi.
Mes Tovi asam un Tevi lyudzam
atļauņ ar Tevi kūpā byut myužam.
Varenais Dīvs, myusu Kungs vysužēleigais.