PUSNAKTS TYMSĀ GAISMA AUSA,
nōce Dīva vēstnesis.
Gonus laipni uzrunōja
spūži myrdzūšs eņgelis:
«Nasabeistit, meilī goni,
sludynoju prīcas vēsti:
Šudiņ dzimis Pesteitōjs!»

Pravīši kū sludynōja,
ticeigī kū gaideja,
Debesstāvs tū atsyuteja
šamā dzeives īlejā:
«Eite, sveicynojit viņu,
pīdzymušū Dīva Bārnu
Jūdu mīstā – Betlemē!»

Atroda jī Dīva Bārnu,
eņgeļs kai jim vēsteja.
Svātō Mōte maigom rūkom
mozū Bārnu auklēja.
Ceļūs kreitūt gūdbejeigi,
goni sveice pazemeigi
Pesteitōju gaideitū.

Debespulku slavas dzīsmes
skanēja nu augstumim:
«Dīvam gūds un mīrs vērs zemes
loba prōta cylvākim!»
Vysi lyugsim Pesteitōju,
Dīva dūtū Vydutōju:
«Sovu mīru dōvoj mums!»