(Kas klauvej myusu vōrtūs)

UZ DĪVNOMIM MES EJAM
ar sirdim prīceigom,
un Zīmas Svātku vēsti
tur vysi sajemam.

Mes pasateicam Dīvam
par Viņa lobumu,
un, ceļūs kreitūt, lyudzam:
«Kungs augstais, vodi myus,
Kungs augstais, vodi myus!»

Jyus, bārni, eite vysi
pi Jō ar sirdsdegsmi,
jo atnōcis tys breidis,
kad verās dabasi.

Sev Dīva gaismu lyudzit,
jo viņam tyvi jyus,
un pazemeibā sokit:
«Kungs augstais, vodi myus,
Kungs augstais, vodi myus!»

Jyus, lelī, vysi dorit
taipat ar ticeibu,
un Kungu Jezu sveicit
ar bārna sirsneibu.
Pi Dīva bīži eite

un vyss jums pīdūts byus;
sirds dziļumūs tik lyudzit:
«Kungs augstais, vodi myus,
Kungs augstais, vodi myus!»