GAIDAS BEIDZĀS, kas lai steidzās Bārnu Jezu gūdynōt?
Dīva syuteits, Jys ir nōcis pesteišonu sludynōt.
Goni, pyrmī viņu sveicit, Dīva Dālam pasateicit,
Jezus Bārnam mozajam.

Zvaigznei myrdzūt, Kēneni trejs Jezus Bārnu sveicynoj.
Atnas bolvas, nūlīc golvas, pīlyudz Tevi, Pesteitōj.
Dōvonas Tu nanūraidi, teiras sirdis vairōk gaidi
gribi sev tōs īmontōt.

Līksmi sirdī, dzīsmem skanūt, mes pi Jezus steidzamēs.
Pazemeigi, paļōveigi myusu Kungā veramēs.
Kungs, kas volda vareneibā, šudiņ bārna pīviļceibā
sovas Mōtes rūkōs dus.

Sveicynojam, gūdynojam Pesteitōju gaideitū.
Myusu dēļ Tu debess mōju atstōji, Kungs, myužeigū.
Vysus ļaudis gribi svēteit, pīdūšonu viņim vēsteit,
paradīzi atdareit.