EŅGEĻS GONIM SACEJA,
prīcas ziņu vēsteja:
«Mozajā Jūdu zemē, Betlemē,
Davida ciļts dzimtenē –
šudiņ dzimis Kristus».

Goni, vēsti sajamūt,
steidzās Kungam gūdu dūt.
Sveice jī Dīva Bārnu Betlemē,
nūguļdeitu sileitē,
debess Pavēļnīku.

Breinišíeiga dzimšona,
ticeibā vīn zynoma:
Marija, ījāmuse škeisteibā,
Dīva Dālu dzemdejūt
palīk jaunaveiga.

Dīvs nu debess mōjūklim
atnōce pi cylvākim.
Ticeigī, dūdit gūda vītu Tam,
jau tik ilgi gaideitam
ļaužu Pesteitōjam.

Dīvu gūdā paturit,
viņa vōrdus pīminit:
«Šis ir muns vīneigs Dāls vysmīļōkais,
jyusu Kungs vysvarenais,
Viņu vysi klausit!»

Kungam Dīvam augsteibā
gūds un slava myužeiga.
Tāvu un Viņa Dālu gūdojit,
Svātū Goru pīlyudzit,
sveicit Trejsvīneibu!»