(Dīvs cylvāka mīsā dzyma)

EŅGEĻS GAIŠS PI GONIM GŌJA
prīcas vēsti sludynōja:
«Pi jums Dīva Dāls ir nōcis,
Pesteitōja gaitas sōcis – jūdu Betlemē!»

«Goni, jyus kai pyrmī steidzit,
Dīva Bārnu mīli sveicit,»
tai jim eņgeļs pasaceja
nu jūs tyuleņ aizsyuteja – pīlyugt Bērneņu.

Betlēmē, kur Jezus dzyma,
staleits debess gaismā gryma...
Vysod atmirdz mums šei gaisma,
Dīva žēlesteibu līsme – Krystus Bazneicā.

Dīvnomā un vysōs mōjōs
Kungam gūdu atdūt klōjas.
Svātku dzīsmēs gavilēsim,
Dīvu pīlyugt aicynōsim – vysus ticeigūs.

Gūds un slava Dīvam Tāvam,
dzymušajam Dīva Dālam,
taipat Dīva Goram svātam
slava vysūs myužu myužūs – Dīvam vīneigam.