IKDĪNAS LYUGŠONAS

REITA LYUGŠONAS

† Dīva, Tāva un Dala un Svātō Gora vōrdā, Amen. **

Apgaismoj mani, Dīvs, ar īkšejōs gaismas spūdrumu. Vodi munas dūmas un munu grybu, lai es varu Tevi cīneigi gūdynōt un Tev pasateikt, jo Tu esi muns Radeitōjs un Tāvs.

Es pīlyudzu un mīļoju Tevi, muns Dīvs, Tova bezgaleigō lobuma un svātuma dēļ.

Es Tev pasateicu par vysom žēlesteibom, bet seviški par tū, ka maņ un vysim ticeigim esi parōdejis lobu un taisnu ceļu uz Tovu myužeigū vaļsteibu.

Styprynoj mani, Dīvs, lai ikdīnas dorbūs un gora sausumā napagurst muna dvēsele. Atbreivoj munu sirdi nu vysom navajadzeigom ryupem un ligom, lai uz vysu pasauleigū es raudzeitūs kai uz pōrejūšom lītom. Dūd maņ, Kungs, dabasu gudreibu, lai es īsamōceitu vyspyrms Tevi meklēt un atrast, Tevi arvīn vairōk mīļlōt un gūdyunōt.

Kungs, es nūvēleju Tev vysu, kū vīn es dareišu šudiņ, reit un vysā sovā dzievē. Taipat nu Tovom tēviškom rūkom es grybu pījimt vysu, kū sovā dīviškajā Apsavēršonā maņ esi nūlēmis. Vodi mani, Kungs, un uzturi sovā žēlesteibā, jo Tev es grybu pīdarēt tagad un myužam.

Tāvs myusu, kas esi debesīs, svēteits lai tūp Tovs vōrds, lai atnōk Tova vaļsteiba, Tova vaļa lai nūteik kai debesīs, tai ari vērs zemes. Myusu ikdīnišku maizi dūd mums šudiņ un atlaid mums myusu porōdus, kai ari mes atlaižam sovim porōdnīkim, un naīved myusu kārdynōšonā, bet atpestej myusus nu ļauna.

Esi sveicynota, Marija, žēlesteibas pylnō, Kungs ir ar Tevi. Tu esi svēteita storp sīvītem un svēteits ir Tovas mīsas auglis Jezus. Svātō Marija, Dīva Mōte, lyudzīs par mums grēcinīkim tagad un myusu nōves stundē. Amen.

Gūds lai ir Tāvam un Dālam, un Svātajam Goram, kai beja nu īsōkuma, tai tagad un vysod, un myužeigi myužam. Amen.

Es tycu uz Dīvu, vysuvareigū Tāvu, dabasu un zemes Radeitōju; un uz Jezu Kristu, Jō vīneigu Dālu, myusu Kungu, kas ir ījimts nu Svātō Gora, pīdzimis nu Jaunovas Marijas, cītis zam Poncija Pilata, krystā pīkolts, nūmiris un apglobōts, nūkōpis eļnē, trešajā dīnā augšancēlīs, uzkōpis debesīs, sēd pi Dīva, vysuvareigō Tāva, lobōs rūkas, nu kurīnes Jys atnōks tīsōtu dzeivūs un myurušūs. Es tycu uz Svātū Goru, svātū katōlisku Bazneicu, Svātūs sadraudzeibu, grāku atlaisšonu, mīsas augšanceļšonūs un myužeigū dzeivōšonu. Amen.

(Jo vēlejās, var pīvīnōt kaidu nu litanijom, pīm., litaniju Jezus Vōrdam)

EISAS GOLDA LYUGŠONAS

Pyrms ēsšonas:

Svētej, Kungs, myusus un šōs sovas dōvonas, kū nu Tovas deveibas sajamam. Caur Jezu Kristu, myusu Kungu. Amen.

Pēc ēsšonas:

Vysuvereigais Dīvs**, mes Tev pasateicam par vysom dōvonom, kū asam sajāmuši nu Tevis, kas dzeivoj un voldi myužeigi myužam. Amen.

VOKORA LYUGŠONAS

† Dīva, Tāva un Dala un Svātō Gora vōrdā, Amen.

Dīvs, vysulobais dabasu Tāvs, es slaveju Tevi, jo Tovai žālsirdeibai nav rūbežu. Es pasateicu par vysu, kū Tova Apsavēršona maņ syuta. Tu vīns esi lobs, taisneigs un svāts. Tōdēļ kūpā ar vysim ticeigajim es pīlyudzu un gūdynoju Tevi.

Es naasu peļnejis, ka Tu, Kungs, mani īprīcynōtu vai apmaklātu, jo daudzkōrt asu grākōjis pret Tevi. Maņ pīsanōk Tovā prīā pazemeigi atzeit un apraudōt sovus grākus, lai izlyugtu pīdūšonu. Kungs, esi maņ grēcinīkam žēleigs! Dori maņ, Kungs, pēc sovas labsirdeibas un na pēc munu grāku daudzuma. Pīškir maņ žēlesteibu, lai es uzvarātu sovas vōjeibas un lai canstūs pēc tō, kas Tev ir pateikams un meils.

Es nūvēleju Tev, Kungs, vysus munus paveiktūs dorbus, kaut gon tū ir moz un tī poši ir napiļneigi: lai Tu tūs izlobōtu un svēteitu, lai Tu tūs žēleigi pījimtu un dareitu lobōkus, bet mani, nadereigū Tovu kolpu, lai vadeitu ceļā uz pesteišonu.

Es nūvēleju Tev, Kungs, ari vysu padīveigū cylvāku ryupes, munu vacōku, munu brōļu, draugu un tū cylvāku vajadzeibas, kas maņ vai cytim Tovas mīlesteibas dēļ ir lobu darejuši.

Es lyudzu ari par tim, kas maņ ir pōri darejuši un ari par tim, kurus es pats asu apbādynōjis vai īļaunōjis – lai Tu mums vysim pīdūtu myusu grākus un sovstorpejūs apkaitynōjumus.

Raugīs, Kungs, uz sovu svātū Bazneicu, dōvoj vysim ticeigajim sovu aizsardzeibu un žēlesteibu, lai jī palyktu Tev uzticeigi un sasnāgtu myužeigū dzeivi. Amen.

Tāvs myusu…
Esi sveicynōta, Marija…
Gūds lai ir Tāvam…
Es tycu…

(Jo vēlejās, var pīvīnōt kaidu nu litanijom, pīm., litaniju Vysusv. Jaunovai Marijai)

KUNGA ENGEĻS**

V. Kunga eņgeļs pasludynōja Jaunovai Marijai,
R. Un jei ījēme nu Svātō Gora.

Esi sveicynōta, Marija…

V. Raug, es asu muna Kunga kolpyune,
R. Lai maņ nūteik pēc tova vōrda.

Esi sveicynōta, Marija…

V. Un Vōrds kliva mīsa,
R. Un dzeivōja starp mums.

Esi sveicynōta, Marija…

V. Lyudzīs par mums, svātō Dīva Dzemdeitōja!
R. Lai mes Kristus apsūlejumu toptu cīneigi.

Lyugsimēs. Mes Tevi lyudzam, Kungs, īlej myusu sirdīs sovu žēlesteibu, lai mes, kas eņģeļa sludynōšonā asam pazynuši Kristus, Tova Dāla cylvāktopšonu, ar jō cīsšonom un krystu tyktu īvasti augšanceļšonōs gūdeibā. Caur Jezu Kristu, myusu Kungu. Amen.

DEBESS KARALĪNE**
(Leld
īņu laikā)

Debess Karalīne, līksmojīs, aleļuja,
Tys, kū Tu kai bārnu nesi, aleļuja,
Augšancēlīs ir, kai teicis, aleļuja,
Lyudz(īs) Dīvu par mums, aleļuja.

V. Prīcojīs un līksomīs, Jaunova Marija, aleļuja!
R. Jo Kungs ir patīši augšancēlīs, aleļuja!

Lyugsimēs. Dīvs, Tev ir labpaticis ar sova Dāla, myusu Kunga Jezus Kristus augšanceļšonūs īprīcynōt pasauli: mes Tevi lyudzam, aizbyldūt jō Mōtej Jaunovai Marijai, ļauņ mums īmontōt myužeigōs dzeives prīcu. Caur Jezu Kristu, myusu Kungu. Amen.

 

Ежедневные молитвы на латгальском языке

Ежедневные молитвы на латгальском языке для католиков латинского обряда — утренние молитвы, молитвы до и после еды, вечерние молитвы, Ангел Господень. По молитвеннику: Teicit Kungu. Reiga, 1990.