Ja visi Tevi atstōtu

Великий пост

Ja visi Tevi atstōtu

Ja visi Tevi atstōtu
es tevis naatstōšu,
muns Pesteitōj! Kur īsi Tu,
es vysur leidza īšu.

Uz Kaļvariju īšu es
ar Tevi, Jezu Kristu,
ja ari mani pasaule
pi krysta kūka systu.

Na tōdēļ Tev es sokōšu,
lai svātlaimi sev gyutu,
bet gon lai Tovōs cīsšonōs
ar Tevi vīnōts byutu.

Kas zemes gūds un grezneiba,
ja nav tur Pesteitōja?
Muns prīks un gaiša laimeiba
pi krystā Systō kōjom.

Kungs Jezu, mani pavodi,
šōs zemes ceļus ejūt,
un Tāva mōjōs aizvodi
kad kōjas pagurs ceļōt.

Teicit Kungu. Reiga, 1990. No. 42. lpp. 418-419.