Olīdvōrzā, tu muns Jezu

Великий пост

Olīdvōrzā, tu muns Jezu
(Ak muns Jezu, kad Tu dōrzā)

Olīdvōrzā, tu muns Jezu
Debesstāvu pīlydzūt,
sōci sovu ēršku ceļu,
lai man debess laimi dūt.
Pīdūd, Jezu! Pīdūd, Jezu!
Pīdūd, lobais Pesteitōj,
mani myužam naatstōj!

Lobais Jezu, lējōs straumem
asnis svāts Tev šausteitam,
tōs par visim munim grākim
lējōs munam Glōbējam.
Pīdūd, Jezu...

Tev, muns Jezu, osim ērškim
golvu svātū krūņōja;
pīlyugšu es Tevi myužam,
kuru ļaudis zaimōja.
Pīdūd, Jezu...

Smogu krystu placūs nesi
Kaļvarijas kolnā Tu,
trejsreiz naspākā Tu kriti,
lai tik mani pesteitu.
Pīdūd, Jezu...

Osom noglom pīkolts krystā
Tu par mani grēceigū.
Cīsšonas šōs svātōs mani
lai nu grākim atbreivoj!
Pīdūd, Jezu...

Nūmērstūt par visim ļaudim,
Krystā pacalts, izdzisi,
sirdī, pōrdūrtā ar škāpu,
glōbīni maņ dōvōsi.
Pīdūd, Jezu...

Kad jau maņ nu sovas dzeives
jōsaškir byus nabogam,
cīsšonas lai Tovas svātōs
paleidz nūmērt laimeigam.
Pīdūd Jezu! Pīdūd, Jezu!
Aizved mani žēleigi
Tāva mōjōs laimeigi!

Teicit Kungu. Reiga, 1990. lpp. 407-408.